Српски медиуми: Апсења во Нови Сад и Краљево поради наводно планирање немири на денот на изборите

На територијата на Нови Сад е во тек операција за апсење на група осомничена за „планирање немири на денот на изборите“, дознава РТС. Во посебна акција, постапувајќи по налог на Вишото јавно обвинителство во Краљево, надлежните го уапсија и М.А. од Врњачка Бања.

Постои сомневање дека групата планирала „околу 80 луѓе да дојдат во Белград на 25 октомври и да предизвикаат немири“.

Во моментов се вршат и претреси на имоти и простории што ги користат осомничените.

Во одделна акција, по налог на Вишото јавно обвинителство во Краљево, уапсен е М.А. од Врњачка Бања, под сомнение за „повикување на насилна промена на уставниот поредок и планирање учество во немири во Белград на денот на изборите“.

Репортер на Н1 од Краљево наведува дека станува збор за активист од огранокот на едно движење во Врњачка Бања. Репортерот додава дека припадници на Полициската управа во Краљево, со налог за претрес, пристигнале во неговиот дом во Врњачка Бања денеска, нешто пред 06:00 часот наутро. Тие извршиле претрес во неговиот дом и во неговиот автомобил, по што го привеле активистот.

Според информациите до кои дојде Н1, тој моментално се наоѓа во зградата на Вишото јавно обвинителство во Краљево. „Пред две години, М.А. беше приведен за време на акција на Безбедносно-информативната агенција (БИА), по немирите што се случија пред Народното собрание во Белград. Тогаш тој беше обвинет дека фрлил камен кон полицајците распоредени пред Собранието. Според неговите пријатели од хорот во Врњачка Бања, оттогаш тој често бил цел и на полицијата и на БИА, сепак, сè до утрово немало нови апсења или притворања“, известува дописникот на Н1.