Косовски државјанин е уапсен откако се обидел да избега од царинска контрола на граничниот премин Блаце, при што со возилото оттурнал и неколку метри влечел царински службеник. По полициска потера бил запрен на „Јадранска магистрала“ во Скопје, а кај него биле пронајдени марихуана и џебен нож.
Според информациите од Министерството за внатрешни работи, станува збор за Р. Е. (24), косовски државјанин. Инцидентот се случил на 15 јули околу 22 часот, кога за време на царинска контрола на неговото „бе-ем-ве“ со косовски регистарски таблички, тој ненадејно го стартувал возилото и избегал кон Скопје. Притоа оттурнал царински службеник, кој бил влечен неколку метри.
По пријавата, полициски службеници од Единицата за интервентна полиција веднаш почнале потрага и набргу го запреле возилото на улицата „Јадранска магистрала“ во Скопје. Р. Е. бил лишен од слобода.
При преглед на теренот, полицијата пронашла кеса со марихуана, а во возилото бил пронајден и џебен нож. Осомничениот им кажал на полицајците дека за време на бегството фрлил уште една кеса во која, според неговата изјава, имало два пиштола.
Тој е приведен во полициска станица, а по целосно расчистување и документирање на случајот, против него ќе биде поднесена соодветна кривична пријава.
ИЗДВОЕНИ
Оставката на судијата Наумовски го одложи одлучувањето на Уставниот суд за платеното политичко рекламирање
Јакимовски прегледан од лекар, во добра здравствена состојба е
Аргентина е бесмртна – против Шпанија ќе го нападнат историскиот подвиг што никој не го направил 64 години!
Уставниот судија Гоце Наумовски си поднесе оставка пет месеци по изборот од лични причини
