Словенечките медиуми денес детално известуваат за скандалот што ја тресе словенечката претседателка Наташа Пирц Мусар поради наводни врски со Русија. Според порталот Siol.net, весникот Дневник и други словенечки извори, сè започнало по сообраќајната несреќа кон крајот на јули во тунелот Кастелец, во која била повредена претседателката. Нејзината долгогодишна пријателка Викторија Криволуцка, државјанка на Русија и Словенија, исто така била во службеното возило.
Истрагите на Дневник и австриската агенција АПА открија дека Криволуцка претходно била во врска со Роман Јеглич, поранешниот заменик-шеф на словенечката служба ВИС, кој заминал за Русија во 1990-тите. Пирц Мусар и Криволуцка патувале заедно во Москва и Санкт Петербург најмалку седум пати помеѓу 2015 и почетокот на 2022 година, вклучително и за новогодишните празници непосредно пред руската инвазија на Украина.
Пратеникот од владејачката Словенечка демократска партија, Жан Махнич, побара од владата веднаш да престане да ѝ доставува на претседателката тајни и безбедносни извештаи поради сомневања дека е поврзана со руска разузнавачка мрежа.
Кабинетот на претседателот остро ги негираше сите обвинувања и нагласи дека Наташа Пирц Мусар никогаш не се сретнала со Јеглич.
Во интервју за Младина, Криволучка ги отфрли тврдењата дека работела за која било разузнавачка служба.
Словенечката разузнавачка и безбедносна агенција – Сова објави дека не идентификувала никакви безбедносни ризици при проверката на нејзиното државјанство во 2016 година.
Парламентарниот комитет за надзор на разузнавачките служби закажа итна седница во врска со случајот.
ИЗДВОЕНИ
ОЈОГОKК: Нема кој да се жали за модуларните бидејќи нема оштетен, Резолуцијата, сама по себе, не значи дека предметот е затворен, ако има докази ќе се реотвори
Ќе паѓаат ли сметките за струја?
Од љубов до пеперутки – за охридската магија допрва ќе се прераскажува; „Охридско лето“, четириесет дена врвна уметност и рекордна посетеност
ПЕТ-скенот повторно работи, ќе се снимаат по девет пациенти
