Земјотрес со јачина од 7,4 степени ја погоди западна Колумбија во понеделник, соопшти Американскиот геолошки завод (USGS), а потресите беа почувствувани во неколку градови низ земјата.
Епицентарот беше во Сан Хозе дел Палмар, департманот Чоко, околу 175 милји западно од Богота, на длабочина од 66 милји во 7:34 часот наутро (локално време, 8:34 часот наутро по Мајами), соопшти Американскиот геолошки завод, објави „Си-ен-ен“.
Гувернерката на северозападниот регион Чоко во Колумбија, Нубија Каролина Кордоба Кари, потврди дека „има повредени и значителни штети на зградите“ во регионалниот главен град, Кибдо, и изрази загриженост за можни последователни потреси.
Во главниот град, земјотресот беше силно почувствуван, се вклучија аларми и жителите на многу згради беа евакуирани на улиците како мерка на претпазливост.
„Во моментов нема извештаи за повредени или структурни штети, само неколку пукнатини во зградите“, изјави градоначалникот на Богота, Карлос Галан, за платформата „Икс“.
A powerful 7.4-magnitude earthquake struck near San José del Palmar, Colombia, causing a building in Cali to partially collapse. (terremoto) pic.twitter.com/AHjohUV9P0
— Weather Monitor (@WeatherMonitors) August 10, 2026
„Тукушто бевме погодени од силен земјотрес во покраината Чоко. Се плашиме од последователни потреси. Иако епицентарот беше во близина на Сан Хозе дел Палмар, има повредени во главниот град Кибдо, а има и значителна штета на зградите. Моментално ја проценуваме штетата и наскоро ќе го објавиме првиот официјален извештај“, рече гувернерката.
Градоначалникот на Кали, град со 2,3 милиони жители во западна Колумбија, изјави дека по земјотресот се урнале најмалку 20 згради.
Првите снимки од местото на настанот веќе се појавија на социјалните мрежи, на кои се гледаат последиците од земјотресот, срушени згради и луѓе во паника меѓу урнатините.
– Она што штотуку се случи е многу сериозно. Снимките се навистина шокантни, има повредени луѓе, а фасадите на зградите се урнаа – рече гувернерот на регионот Рисаралда, Хуан Диего Патињо, опишувајќи ја ситуацијата во Переира.
Националната служба за управување со ризици од катастрофи (UNGRD) објави дека земјотресот е регистриран во 7:34 часот наутро по локално време, дека бил послаб од оној што го објави EMSC – 6,6 степени според Рихтеровата скала и на длабочина од 79 километри, додавајќи дека се во постојан контакт со локалните власти за да ги утврдат сите последици од земјотресот.
„Земјотресот траеше четири минути“, објави „Ел Паис“, повикувајќи се на првите податоци за земјотресот што започна во 7:34 часот наутро по локално време.
