Посетата на директорот на ЦИА, Џон Ратклиф, на Москва продолжува да отвора многу прашања. Германските безбедносни експерти велат дека ситуацијата е многу сериозна, објавува „Дојче Веле“.
Според „Политико“, Ратклиф (60) наводно ги предупредил руските владини претставници за време на неговата посета на Москва да не го ескалираат конфликтот со сојузниците од НАТО – особено Естонија, Латвија и Литванија.
Во исто време, тој побарал од Русија да ја намали воената и економската помош за Иран, објави „Билд“.
Германскиот весник го цитира и безбедносниот експерт Ник Ланге, кој верува дека „ситуацијата е многу сериозна“.
„Ратклиф сакал да испрати јасна порака, еден вид предупредување до потенцијалниот сторител: Знаеме што планирате, не правете го тоа“, вели Ланге.
Соговорник на шефот на ЦИА беше Сергеј Наришкин (71), директор на Руската служба за надворешно разузнавање (СВР).
По заминувањето на Ратклиф, Кремљ потврди контакти меѓу разузнавачките служби на двете земји. Рускиот претседател Владимир Путин наводно бил запознаен со разговорите.
ИЗДВОЕНИ
АХВ ги засилува теренските активности: Вонреден надзор и тестирања за детекција на вирусот на Западнонилска треска кај птиците
Уште еден смртен случај од западнонилска треска: Почина 72-годишен пациент од Скопје
Меѓу најуспешните рудари, признание и за ВЕЧЕР за унапредувањето на рударството!
Не чекала некој да ѝ каже дека може, седнала зад воланот и докажала
