Се „ситнат“ топлите денови: Освежување, жештина, потоа студен бран и „збогум“ на летото

Познатиот регионален метеоролог Марко Чубрило најавува дека и во наредните денови на Балканот ќе се задржи сончево и многу топло време, со температури помеѓу 30 и 36 степени Целзиусови.

Според прогнозата на Чубрило, силна промена на времето ќе пристигне околу 11 септември. Студен фронт ќе донесе дожд, грмотевици и локално невреме, но и забележително заладување.

Според Чубрило, продолженото лето ќе трае уште околу една недела, по што следуваат дожд и значителен пад на температурите.

Од идниот петок следува постуден и попроменлив период, со температури претежно помеѓу 16 и 23 степени.

Сепак, Чубрило појаснува дека сите презентирани податоци и проценки се резултат на неговата обработка и толкување на нумерички модели, а за официјални информации треба да се следат официјалните метеоролошки институти.

Времето во Македонија денеска ќе биде сончево и топло, а во попладневните часови наместа ќе има услови за развој на слаба локална нестабилност.

До средината на следната работна седмица времето ќе се задржи сончево и топло со слаба до умерена облачност во текот на денот.

До понеделник ќе дува севетозападен ветер кој во недела и понеделник долж Повардарието ќе надминува брзина од 40 км/ч. Од вторник ветерот ќе го смени правецот во југозападен.