Општина Илинден започна со реконструкција на повеќенаменското игралиште во населеното место Мралино, со што продолжува континуираното вложување во подобрување на спортската инфраструктура и создавање поквалитетни услови за спорт и рекреација на младите.
Од локалната самоуправа велат дека проектот предвидува целосно уредување на игралиштето, при што ќе се изврши замена на заштитната ограда, поставување нова јутена мрежа на головите, како и поставување нови голови за мал фудбал. Дополнително, ќе се изврши модернизација на осветлувањето со нови ЛЕД светилки, а теренот ќе добие и нова вештачка трева и мини трибина.
Градоначалникот на Општина Илинден, Александар Георгиевски, потенцираше дека со реализација на овој проект младите ќе добијат современ, безбеден и функционален простор за спорт и рекреација.
-Како локална самоуправа, остануваме посветени на унапредување на условите за живот на нашите граѓани, со посебен акцент на младите – нагласи Георгиевски.
Општина Илинден и во наредниот период ќе продолжи со изградба на нови и реконструкција на постојните игралишта и во другите населени места.
ИЗДВОЕНИ
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
ДОНИРАЊЕТО НА ОРГАНИТЕ ПОВТОРНО СПАСУВА ЖИВОТИ: Во градите на 52-годишен пациент чука ново срце, младич доби бубрег
Ќе се извалка ли образот на експотпретседателот на СДСМ со чистењето од 300 илјади евра?
