Општина Дојран, со нова механизација, го почна чистењето на крајбрежјето по должина на шеталиштето во Стар Дојран.
Од Општината информираат дека се отстрануваат бекатон-плочки, камења и друг материјал што се насобирал со текот на годините.
– Целта е да се ослободи крајбрежјето од непотребниот отпад, да се уреди и дополнително да се посипе со песок, со што ќе се создадат подобри, почисти и побезбедни услови за сите посетители – соопштија општинските власти.
Освен тоа, се работи и на чистење и уредување на теренот на фудбалското игралиште, каде што тимот на Дојран ги игра своите натпревари.
– Со оваа активност, создаваме подобри услови за публиката, но и придонесуваме за поуреден и поубав изглед на нашиот спортски терен – нагласуваат од Општината.
ИЗДВОЕНИ
Истраги за перење пари, одземање имот и независност во фокусот на петтемина во трката
Алаџа-џамијата во Скопје – сведоштво за знаењето на старите градители и за мирниот соживот во Македонија
Од Нова Градишка до Крушево, македонските ултрамаратонци ќе трчаат во чест на Тоше Проевски
Нон-пејпер како притисок за Софија и Загреб – крај на ветoто за Македонија и Црна Гора?!
