Русин ги извршил трите убиства во Црна Гора: Полицијата трага по осомничениот кој најверојатно избегал со возилото на една од жртвите

Полицијата трага по рускиот државјанин Михаил Шабуњин (30) под сомнение дека денеска извршил тројно убиство во Даниловград.

Полицијата истражува дали тој побегнал од местото на настанот со возило „Сеат Кордоба“ (регистарски таблички PG AC 472) по убиствата.

Возилото му припаѓа на таткото на една од жртвите.

Се сомнева дека Шабуњин денеска употребил огнено оружје за да ги убие Петар Глобаревиќ (24) од Подгорица, Момир Радоњиќ (67) од Даниловград и Немања Капор (20) од Подгорица – сите вработени во стрелиштето „Чешка Збројевка“ во близина на Даниловград.

Полицијата интензивно работи на лоцирање и апсење на осомничениот.

„Ги повикуваме граѓаните кои имаат информации за осомничениот, или кои ќе го забележат, да пријават детали за неговата локација и движење во Управата на полицијата преку бесплатниот полициски број 122, апликацијата ’Policija CG‘ (Виртуелна полициска станица) или на кој било друг начин. Информациите за лицето може да се достават до полицијата и анонимно. Ги замолуваме граѓаните да помогнат во лоцирањето на ова лице, при што напоменуваме дека прикривањето информации за лице по кое се трага претставува кривично дело“, соопштија од Управата на полицијата.

Полициската управа ги предупреди граѓаните да останат во своите домови додека трае потрагата по вооружениот осомничен за тројно убиство.

Tројно убиство во Црна Гора: Полицијата трага по вооружениот убиец, на граѓаните им е наредено да останат во своите домови