Филијалите на Гете-институтот во Русија ќе бидат затворени по одлуката на Германија да го затвори Рускиот дом во Берлин, изјави рускиот министер за надворешни работи Сергеј Лавров.
Тој рече дека Русија ќе ги затвори филијалите на Гете-институтот во Москва, Санкт Петербург и Екатеринбург, објави РИА Новости.
„Секако, тие ќе бидат затворени откако нашиот културен центар ќе биде протеран (од Германија), во спротивно нема да се почитуваме себеси“, рече Лавров на Источниот економски форум. Форумот се одржува од 1 до 4 септември во Владивосток.
Во вторник, германската влада официјално ја обвини Русија дека стои зад инцидентот со беспилотното летало од минатиот месец на аеродромот Лајпциг/Хале и најави контрамерки. Берлин одлучи да го затвори рускиот генерален конзулат во Бон на 18 септември.
ИЗДВОЕНИ
Триесет и пет години од Вајмарскиот триаголник: Патот кон европско единство и добрососедство
Таткото е на меѓународна потерница, а ќерката бара да замине во Бугарија на лекување
Газдите штедат на придонеси, знаењето станува „непотребен“ луксуз
Одбраната се фати за бојата на сунѓерот, сведоците ги потсетија на цијанидот и кога се користел во историјата
