Пукна тиквата помеѓу Артета и Џокереш

Според извори блиски до ситуацијата, во Арсенал ова лето зад сцената се случувало многу повеќе отколку што ѝ било познато на јавноста.

Имено, се појавија информации за одредени несогласувања меѓу менаџерот Микел Артета и напаѓачот Виктор Џокереш.

Наводните проблеми се појавиле во периодот на интензивната трансфер активност, а биле поврзани со ситуацијата околу Хулијан Алварес, кого Арсенал се обидуваше да го доведе на местото каде што игра Швеѓанецот.

Деталите за тоа што наводно се случило меѓу Артета и Џокереш, не се познати. Сепак, изворите тврдат дека одредена ситуација го фрустрирала Артета, додека Џокереш наводно ги почувствувал последиците од сè што се случило зад затворени врати.

Токму овој период сега се поврзува со претходните информации дека претставниците на Џокереш почнале да ја истражуваат можноста за негово заминување од Арсенал, вклучително и потенцијален трансфер во Барселона.

Џокереш пристигна во Арсенал како големо засилување и се очекуваше да биде еден од клучните играчи на тимот.

Затоа, сите несогласувања со Артета би можеле да бидат значајни, особено ако влијаат на неговата улога во тимот или на атмосферата во соблекувалната.

За Арсенал е најважно сите несогласувања да не се одразат на атмосферата во тимот бидејќи, оваа сезона, од Џокереш се очекува многу, а Артета го гледа како важен дел од своите планови.

Новата сезона не започна добро за Џокереш, кој не одигра ниту еден натпревар, а неговото место го зазема Каи Хаверц, на кого Артета сега повеќе му верува.

Џокереш дојде во Арсенал од Спортинг Лисабон и му помогна на тимот да ја освои долгоочекуваната титула со 14 гола на 36 натпревари минатата сезона.