Бензинот во една од најголемите земји на ЕУ никогаш не бил поскап: Цената на историски рекорд

Бензинот Супер Е10 во Германија се искачи на рекордни 2.215 евра за литар по ескалацијата на конфликтот во Иран и прекинот на пловидбата низ Ормускиот теснец. Цената на бензинот Супер Е10 во Германија сруши историски рекорд, објави германскиот автомобилски клуб ADAC, кој ја следи ситуацијата и цените на бензинските пумпи низ целата земја.

„По продолжувањето на борбите во Иран, цената на бензинот Супер Е10 достигна рекордно ниво. Во среда, просечната цена на литар во Германија беше 2.215 евра, надминувајќи го претходниот рекорд од 2.203 евра, забележан во март 2022 година“, се вели во соопштението на ADAC.

Ситуацијата е дополнително комплицирана од фактот дека државниот попуст за гориво престана да важи во Германија на 1 јули, претходно објави германскиот весник Bild.

Германскиот канцелар Фридрих Мерц претходно изјави дека земјата не може да си дозволи да ја продолжи оваа мерка.

Соединетите Американски Држави извршија серија масовни напади врз Иран ноќта спроти среда. Според Централната команда на САД, целите биле објекти на Иранската револуционерна гарда, вклучувајќи системи за воздушна одбрана, радарски станици, поморски објекти и комуникациски објекти.

Иран одговори со лансирање ракети и беспилотни летала врз американските воени бази на Блискиот Исток. Иранската телевизија „Прес“ објави дека меѓу погодените цели е и голем објект во Кувајт.

Пловидбата низ Ормускиот теснец, една од најважните рути за снабдување на светскиот пазар со енергија, е прекината поради конфликтот на Блискиот Исток, објавува РИА Новости.

Ескалацијата на конфликтот доведе до зголемување на цените на горивата во голем број земји, вклучувајќи ги и европските земји.