Пукање пред израелскиот конзулат во Истанбул, три лица се убиени/ВИДЕО

Три лица се убиени, а двајца полицајци се повредени во пукотница што се случи денеска во близина на зградата во која се наоѓа затворениот израелски конзулат во Истанбул, објавија медиумите.

Според извештаите, вооружениот судир се случил во непосредна близина на зградата, која се наоѓа во важен деловен кварт на градот, каде што се наоѓаат седиштата на најголемите турски компании.

#SONDAKİKA

🔴İstanbul Levent'te bulunan İsrail Başkonsolosluğu önünde silahlı çatışma yaşanıyor.

▫️Olay yerinden ilk görüntüler⬇️ pic.twitter.com/9ieKAa0tbw

— Hürgün Gazetesi (@Hurguntr) April 7, 2026

Телевизијата НТВ јавува дека едниот напаѓач е уапсен и ранет, додека другиот е убиен.

BREAKING: Gunfire near the Israeli consulate in Istanbul, Turkey; Turkish security forces say three suspects were neutralized pic.twitter.com/kSAF73dkB0

— Resist Wire (@ResistWire) April 7, 2026

Неофицијалните информации, како што објавува „Кликс“, сугерираат дека осомничените отвориле оган врз полицајците кои го обезбедувале просторот околу зградата. Сè уште не е познато дали израелскиот конзулат бил цел на нападот.

İsrail Konsolosluğu önünde silah sesleri!https://t.co/CLxc6iOmKD pic.twitter.com/VbrxIjdzEp

— Cumhuriyet (@cumhuriyetgzt) April 7, 2026

Снимките на „Ројтерс“ ги прикажуваат моментите од пукањето, на кои се гледа како полицаец го вади оружјето и се крие додека се слушаат истрели. На снимката се гледа и лице кое лежи на земја покриено со крв.

Областа околу израелскиот конзулат е под постојан силен полициски надзор. По инцидентот, телевизиските снимки покажаа големо присуство на вооружени полицајци кои патролираат низ областа. Властите сè уште не издале официјално соопштение за мотивите за нападот или идентитетот на напаѓачот.