Првите бродови испловија од Хормускиот Проток, заглавени се најмалку 800

Два брода, еден под грчко и еден под либериско знаме, се првите што поминаа низ Хормускиот Проток по објавувањето примирје.

Се проценува дека моментално се блокирани повеќе од 800 брода во Персискиот Залив, според престижниот лондонски поморски магазин „Лојдс лист“. Сопствениците на бродовите што се заглавени таму потврдија за „Лојдс“ дека подготовките за нивно придвижување почнале во средата изутрина.

Сепак, клучните детали од договорот за прекин на огнот остануваат неизвесни. Иранскиот министер за надворешни работи, Абас Арагчи, изјави дека ќе им биде дозволено на бродовите безбедно да минуваат низ протокот во период од две недели, но „во координација со иранските вооружени сили и со должно почитување на техничките ограничувања“. Но, американскиот претседател, Трамп, најави „целосно, итно и безбедно отворање“.

Не е јасно дали се согласиле двете страни за условите за плаќање за транзитот, како и кога точно ќе стапи примирјето на сила. Еден регионален функционер изјави дека Иран и Оман ќе наплаќаат за премин на бродовите, а Иран има намера да ги искористи средствата за реконструкција на земјата. Според неколку непотврдени извештаи, се дискутира за надоместок од околу 2 милиони долари (1,7 милиони евра) од брод. Иранскиот Парламент моментално дебатира за закон со кој ќе се кодифицира системот за фактурирање.