Биле приведени татко и двајца синови откако со гасен пиштол, нож и боксирач претепале вработени во АД „Бутел“. До инцидентот дошло кога вработените во погребното претпријатие ги забележале приведените во близина на едно гробно место, а бидејќи им биле познати од претходно како извршители на тешки кражби, ги предупредиле дека ќе повикаат полиција.
– Настанот се случил во вторникот околу 12:40 часот, кога вработените во АД „Бутел“, 51-годишниот Е. Д. и 54-годишниот М. Д., ги забележале приведените во близина на едно гробно место. Бидејќи им биле познати од претходно како извршители на тешки кражби, вработените ги предупредиле дека ќе повикаат полиција. Наместо да се повлечат, тројцата напаѓачи физички ги нападнале вработените, користејќи гасен пиштол, нож и боксирач. Во нападот, Е. Д. и М. Д. се здобиле со телесни повреди, кои биле констатирани во болницата „Свети Наум Охридски“. Подоцна во текот на денот, полициски службеници ги пронашле и ги привеле А. М. (48) и неговите синови, Ј. М. (26) и Б. М. (27), сите од Скопје. Лицата се задржани во полициска станица. По целосно документирање на случајот, против нив ќе биде поднесена соодветна пријава – велат од Секторот за внатрешни работи Скопје.
ИЗДВОЕНИ
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
ДОНИРАЊЕТО НА ОРГАНИТЕ ПОВТОРНО СПАСУВА ЖИВОТИ: Во градите на 52-годишен пациент чука ново срце, младич доби бубрег
Ќе се извалка ли образот на експотпретседателот на СДСМ со чистењето од 300 илјади евра?
