Според првата проекција на агенцијата „Ипсос“ и Центарот за слободни избори и демократија (ЦеСИД), „Студентската листа – Студентите победуваат“ освои 52 отсто од гласовите и 138 пратенички места.
Листата „Александар Вучиќ – Обединета Србија“ освои 39,3 отсто од гласовите, што изнесува 104 пратенички места.
Овие бројки се засноваат на примерок од 49,8 отсто, обработен од 750 избирачки места.
Студентските претставници и кандидатите од „Студентската листа“ ја прославија својата победа на вонредните парламентарни избори во изборниот штаб, извикувајќи: „Победа!“, „Пумпај!“ и „Браво!“.
Заедно ја испеаја песната „Србија се буди“, која претходно, на собирот на плоштадот Славија, ја изведе еден од кандидатите на листата, професорот Александар Чупиќ.
Прославата во штабот на „Студентската листа“ започна откако Александар Вучиќ, носителот на листата „Обединета Србија“, го призна поразот на изборите.
„Врз основа на стратификуван примерок, јасно е дека ги изгубивме изборите. ’Студентската листа‘ победи; тие ќе имаат меѓу 135 и 140 пратенички места, додека ние ќе имаме околу 105. Никој друг не влезе во Собранието – освен СВМ [Сојуз на војводинските Унгарци] со три места, Албанците со едно и, верувам, СДА.“
ИЗДВОЕНИ
Вучиќ призна пораз: Изгубивме!
РИМСКАТА СРЕДБА НА МИТРОПОЛИТОТ ГЕОРГИЈ СО ВСЕЛЕНСКИОТ ПАТРИЈАРХ ВАРТОЛОМЕЈ ОТВОРИ ДИЛЕМИ: Се крши ли мразот меѓу МПЦ-ОА и Вселенската патријаршија?
Синдикалната кошница ѝ избега на платата – еден минималец се троши само за храна и пијалаци
Еден час на скеле чини 150 денари, дали новиот модел ќе им ги зголеми приходите на работниците?
