Илија Срдановиќ, носителот на листата „Студентите победуваат“, вечерва изјави дека Србија победила, додавајќи дека е горд на народот кој знаел да му каже „не“ на еден тиранин.
„Се движиме кон цивилизирана и подобра Србија“, рече Срдановиќ.
Во изборниот штаб на „Студентите победуваат“ започна прослава, а се очекува и официјално обраќање.
Студентските претставници и кандидатите од листата „Студентите победуваат“ ја прославија својата победа на вонредните парламентарни избори во својот изборен штаб, извикувајќи: „Победа!“, „Пумпај!“ и „Браво!“
View this post on Instagram
Заедно ја испеаја песната „Србија се буди“, која претходно, на собирот на плоштадот Славија, ја изведе еден од нивните кандидати, професорот Александар Чупиќ.
View this post on Instagram
Прославата во штабот на „Студентите победуваат“ започна откако Александар Вучиќ, носителот на листата „Обединета Србија“, го призна поразот на изборите.
Александар Вучиќ, носителот на листата „Обединета Србија“, вечерва призна дека неговата листа е поразена на парламентарните избори што денеска се одржаа во Србија.
На прес-конференција тој изјави дека, според првичните резултати, јасно е оти „листата на студентската блокада“ освоила приближно 135 пратенички места, додека неговата листа освоила околу 105.
ИЗДВОЕНИ
Вучиќ призна пораз: Изгубивме!
РИМСКАТА СРЕДБА НА МИТРОПОЛИТОТ ГЕОРГИЈ СО ВСЕЛЕНСКИОТ ПАТРИЈАРХ ВАРТОЛОМЕЈ ОТВОРИ ДИЛЕМИ: Се крши ли мразот меѓу МПЦ-ОА и Вселенската патријаршија?
Синдикалната кошница ѝ избега на платата – еден минималец се троши само за храна и пијалаци
Еден час на скеле чини 150 денари, дали новиот модел ќе им ги зголеми приходите на работниците?
