Грчката фирма за управување со поморски ризици MARISKS ги предупреди бродските компании за лажни пораки што нудат безбеден премин низ Ормускиот теснец во замена за плаќање во криптовалути. Пораките беа испратени до некои компании чии бродови се блокирани западно од стратешки важниот воден пат, објави Ројтерс.
Предупредувањето доаѓа во време на зголемени тензии на Блискиот Исток. САД одржуваат блокада на иранските пристаништа, додека Иран периодично го затвораше Ормускиот теснец, кој транспортираше околу една петтина од светската нафта и течен природен гас пред да избувне конфликтот. За време на разговорите за прекин на огнот, Техеран, кој го контролира теснецот, предложи воведување такса за безбеден премин за бродовите.
MARISKS ги информираше бродосопствениците во понеделник дека непознати лица, лажно претставувајќи се како ирански власти, испратиле барања до одредени бродски компании да платат транзитни такси во криптовалути, поточно Bitcoin или Tether, со цел да „им се овозможи премин“.
„Овие пораки се измама“, соопшти компанијата, нагласувајќи дека не се испратени од иранските власти. Досега нема официјален коментар од Техеран.
ИЗДВОЕНИ
КОЛУМНА, ЗВОНКО ДАВИДОВИЌ: Судството како партиски реверс и обвинителството како немо сведоштво
Кандидатите за членство во Унијата ќе се доближуваат преку системот на „градежни блокови“: Макрон и Мицкоски на маса – Европа со нова понуда за Балканот
Агенциите бараат доплата по 20 евра од патник поради поскапите авионски карти
Факултетот за арт и дизајн – 20 години посветеност, знаење, визија и слободно креативно изразување!
