Во последната четвртина, Јокиќ и Мареј не можеа ни базен да погодат

Кошаркарите на Денвер пропуштија златна шанса да поведат со 2:0 во серијата против Минесота, бидејќи при поразот од 119:114 водеа и со 19 поени разлика. Како успеа Нагетс да го стори тоа е тешко да се објасни, а главни виновници за неуспехот беа неговите главни играчи, Никола Јокиќ и Џамал Мареј, кои во одлучувачките моменти не може ни базен да погодат.

Така Минесота, со одличната одбрана над Јокиќ, кој промаши шест шута во четвртата четвртина, си направи услуга и израмни на 1:1 пред да се пресели серијата во Минеаполис.

Јокиќ го заврши натпреварот со 24 поени, 15 скока и осум асистенции, но промашуваше кога беше најпотребно, во самиот финиш. Не се памети кога промашил шест шута во решавачката четвртина, а и другите негови одлуки не беа на висина на задачата. Инаку, тој имаше само осум погодени удари од 24 обиди од поле, што е поразително. Во последниот период, целосно потфрли и Џамал ​​Мареј, кој го заврши мечот со 30 поени (11/25).

На другата страна, повредениот Ентони Едвардс постигна 30 поени и имаше 10 скока, а Џулиус Рендл имаше 24 коша.