Апелациониот суд Скопје ги потврди доживотните казни затвор за Љупчо Палевски, Велибор Манев, Боро Видевски и за Влатко Кешишев за свирепите убиства на младата Вања и пензионерот Панче, а го укина ослободителниот дел од пресудата за Александар Ѓорчевски, таткото на девојчето и нему повторно ќе му се суди.
Како што соопшти Апелациониот суд, по одржаната јавна седница и разгледувањето на жалбите, ги одбил како неосновани жалбите на обвинетите за убиствата Велибор Манев, Боро Видевски, Влатко Кешишев и Љупчо Палевски.
Истовремено, ја уважил жалбата на Основното јавно обвинителство – Скопје и ја потврдил првостепената пресуда во осудителниот дел, со која четворицата обвинети беа прогласени за виновни за грабнување и за убиство на 14-годишната Вања Ѓорчевска и на велешанецот Панче Жежовски и осудени на доживотен затвор. Второстепениот суд го укинал ослободителниот дел од пресудата што се однесува на Александар Ѓорчевски, кој беше ослободен од обвинението за помагање при грабнување на неговата ќерка. Предметот во овој дел е вратен на Основниот кривичен суд – Скопје на повторно судење и одлучување.
ИЗДВОЕНИ
Стевче Јакимовски доброволно замина на отслужување на затворската казна од шест и пол месеци
Уапсен брачен пар од Скопје, мажот девет пати му забил нож во градите
Лозарите бараат повисоки цени за да не заврши грозјето на пазарот во Србија
Во државата има 100 илјади невработени, а компаниите го немаат потребниот кадар
