Полицијата санкционираше двајца возачи кои со автомобили се движеле по пешачката патека кај кејот на Вардар

Полицијата ги идентификувала и ќе ги санкционира двајцата возачи кои со автомобили се движеле по пешачката патека во близина на кејот на Вардар во Скопје.

Во врска со објавеното видео во дел од медиумите на 08.10.2026 во кое се прикажани патнички возила како се движат по несодветна површина, односно по пешачка патеката во близина на кејот на реката Вардар, од страна на полициски службеници при СВР Скопје преземени се соодветни мерки и активности при што констатирано е дека едното патничко возило “туран” со скопски регистарски ознаки е управувано од Б.Ќ.(45) од Скопје, а другото патничко возило “мерцедес” со скопски регистарски ознаки е управувано од Ј.А.(42) од Скопје, соопшти полицијата.

Против двајцата возачи ќе се превземат мерки согласно одредбите од Законот за безбедност на сообраќајот на патиштата.