На барање на хрватскиот премиер Андреј Пленковиќ, текстот на заклучоците на Европскиот совет во однос на Црна Гора е изменет; отстранети се конкретните рокови за затворање на преговарачките поглавја и за финализирање на договорот за пристапување.
Отстранувањето на овие рокови, иницирано од Пленковиќ, уследи по писмото што Хрватската го испрати до сите земји-членки на ЕУ, во кое се наведени осум услови што Црна Гора мора да ги исполни пред да се приклучи кон Европската унија.
Хрватските медиуми пренесуваат дека, по интервенцијата на Пленковиќ, временските рамки што првично беа вклучени во нацрт-документот се избришани од заклучоците на Европскиот совет, пренесува „Танјуг“.
