Поднесена е пријава против унгарскиот премиер во заминување, откако се појави видео на кое Виктор Орбан вози автомобил без да го држи воланот. Видеото, објавено непосредно пред изборите на 12 април, го прикажува како пее во возило, а во еден момент целосно ги трга рацете од воланот, објавува унгарски Блик.
Видеото е направено пет дена пред изборите и го прикажува премиерот како заминува од дома на работа.
Додека вози, тој вели: „Ајде да одиме! Таква е ситуацијата!“, ги крева очилата и ја започнува предизборната песна „Унгарското село стана зелено, пролетта пристигна“.
Во еден дел од видеото се гледа како го вози возилото без рацете на воланот. Пријавата ја поднел граѓанин кој верувал дека ги прекршил сообраќајните прописи.
Порталот Телекс побарал појаснување од полицијата, вклучително и дали станува збор за прекршок и дали е покрената постапка. Будимпештанската полиција потврди дека пријавата е примена, но и дека е одбиена на 15 април 2026 година, со образложение дека пријавеното однесување не претставува прекршок.
ИЗДВОЕНИ
МАКЕДОНИЈА ЗАКРЕПНУВА ОД ГОЛЕМОТО НЕВРЕМЕ: Епски ураган направи пустош и го откри сиот јавашлак
На 24 јуни предупредиле да не се пие водата, а потоа никогаш јавно не соопштиле дали e повторно безбедна
ЕУ не се откажува од Македонија, но не попушта за условите – реформите се билетот за Брисел!
Инспекторите ќе можат веднаш да стават клуч на врата на фирми што работат на црно
