Општина Бутел воведува комунални редари кои ќе бидат присутни на терен во две смени, со службени возила и засилени контроли низ целата општина.
Од Општината велат дека ќе се санкционираат несовесното фрлање отпад, создавањето диви депонии, уништувањето на општинскиот имот и другите прекршувања на комуналниот ред.
– Јавниот простор е сопственост на сите нас, но и одговорност на секој од нас! Нашата цел не е да казнуваме, туку да воспоставиме ред, одговорност и почитување на заедничкиот простор – нагласуваат од локалната самоуправа.
