Американскиот претседател Доналд Трамп ја разгледува можноста на членките на НАТО кои не се во можност да ги зголемат своите воени трошоци за пет проценти да им го одземе правото да го користат Член 5 (клаузулa за колективна одбрана) од Повелбата на Алијансата, објавува весникот „Телеграф“.
Според предлозите што ги разгледува Трамп, на сојузниците на НАТО кои не успеваат да ги исполнат новите цели за воени трошоци би можело да им се одземе и правото да одлучуваат за проширување на заедничките мисии, се вели во текстот.
Американските претставници го промовираа моделот на неколку состаноци, велат извори, но идејата не е официјално дискутирана во седиштето на Алијансата во Брисел, додава весникот.
Трамп претходно изјави дека Вашингтон би можел да престане да го поддржува НАТО поради постапките на Алијансата.
Трамп постојано ја обвинуваше Европа дека не инвестира доволно во сопствената одбрана и побара европските членки да ги зголемат своите инвестиции на пет проценти од бруто домашниот производ (БДП).
Во јуни 2025 година, на самитот на Алијансата во Хаг, членовите се согласија да ги зголемат своите воени трошоци на 3,5 проценти од БДП за области како што се сајбер безбедноста и клучната патна инфраструктура.
ИЗДВОЕНИ
Пофалби од Брисел, рампа за преговорите
Клековски во гостиварската Општа болница: Се бара причината за зголемениот број на пациенти во Гостивар – најголем број од случаите се регистрирани во последните два дена
Не може ако е купен станот по 3.000 евра за квадрат, да се плаќа данок како да вреди 1.500 евра
Поевтини горива ќе се точат цело лето и цела есен
