Нов удар на САД во Пацификот: Американската војска потопи брод со „наркотерористи“/ВИДЕО

Американската војска соопшти дека погодила брод во источниот Тихи Океан, при што загинале две лица.

Ова беше најновиот во низата слични напади што групите за човекови права остро ги критикуваа, нарекувајќи ги „вонсудски егзекуции“, додека Вашингтон тврди дека целите биле „наркотерористи“.

Јужната команда на САД соопшти дека бродот, кој беше погоден во петокот, бил управуван од „означени терористички организации“, но не прецизираше кои групи. Исто така, рече дека во операцијата нема повредени американски војници, додека жртвите биле опишани како „машки наркотерористи“, без да даде дополнителни детали.

Според американската војска, разузнавачките информации покажуваат дека бродот се движел по познати рути за трговија со дрога во источниот Тихи Океан и бил вклучен во такви операции. Кратко видео од нападот беше објавено заедно со соопштението.

Ваквите операции се интензивираа во последните недели, при што администрацијата на претседателот Доналд Трамп ги таргетира бродовите за кои вели дека се користат за транспорт на дрога. Од септември, повеќе од 170 луѓе се убиени во овие операции.

Сепак, бројни експерти и организации за човекови права, како во Соединетите Американски Држави, така и низ целиот свет, ја доведуваат во прашање легалноста на овие напади. Организации како што се „Хјуман рајтс воч“ и „Амнести интернешнл“ велат дека станува збор за незаконски вонсудски убиства, додека Американската унија за граѓански слободи вели дека обвинувањата на администрацијата против целите на нападите се неосновани и служат за ширење страв.

On April 24, at the direction of #SOUTHCOM commander Gen. Francis L. Donovan, Joint Task Force Southern Spear conducted a lethal kinetic strike on a vessel operated by Designated Terrorist Organizations. Intelligence confirmed the vessel was transiting along known… pic.twitter.com/FRHwqXsHm2

— U.S. Southern Command (@Southcom) April 25, 2026