Лидерот на Алтернативата за Германија во Саксонија-Анхалт, Улрих Зигмунд, денес ја отфрли можноста неговата партија да формира малцинска влада во покраината доколку не освои апсолутно мнозинство.
Според резултатите, кои не се конечни, Алтернативата ќе има 39 пратеници во покраинскиот парламент, а сè уште ѝ недостасуваат три за мнозинство.
По изборната победа, нема да има комбинации со малцинска влада или нешто слично, изјави Зигмунд за ZDF, пренесува Дојче Веле.
Тој нагласи дека Алтернативата во принцип е отворена за коалиција со партија која би била подготвена да спроведе пресврт во политиката за миграција и енергија, но дека во моментов не гледа таков партнер.
„Не сакаме да се прилагодуваме заради какви било комбинации што би ни овозможиле да дојдеме на власт. Затоа независна влада е наша цел“, рече Зигмунд.
Во исто време, тој изрази надеж дека Алтернативата би можела да добие поддршка од пратеници од друга партија.
ИЗДВОЕНИ
Три пожари го зачадија Скопје: Воздухот е непријатен за дишење, граѓаните затворени дома/ВИДЕО
Возач на висок владин функционер фатен со мито
Масонски симболи на цркви, куќи и стари градби – огнена ѕвезда има и Парламентот!
“ЖУРКАТА“ ЗАВРШИ СО ЛИСИЦИ: Петмина приведени во Галичник, полицијата најде дрога во шаторите
