Меси е како порноактер, ги е** сите на теренот

Иако Лионел Меси повторно ја одведе Аргентина до финале на едно Светско првенство, дел од англиските медиуми и аналитичари продолжија со критиките на негова сметка, тврдејќи дека не се движи доволно и дека повеќе не е играч што прави разлика на теренот. Таквите коментари многу го налутија неговиот долгогодишен пријател и кум, Серхио Агуеро, кој јавно застана во негова одбрана.

Поранешниот напаѓач на Манчестер сити гостуваше во еден поткаст, каде што без двоумење ги нападна критичарите на Меси и порача дека не може да разбере зошто постои толку голема критика кон фудбалерот што, според него, е најдобар во историјата.

• Што ви направи Лео? Зошто толку омраза? Навистина не разбирам. Смирете се, човекот само игра фудбал. Тој е најдобриот играч на сите времиња – изјави Агуеро.

Тој потсети дека Меси има 39 години, но и понатаму е способен да решава натпревари на најголемата сцена. Како пример го посочи полуфиналето против Англија, во кое тој запиша две асистенции и беше еден од најзаслужните за победата од 2:1 и за пласманот во големото финале.

• Погледнете ме мене, имам речиси 39 години и седам во студио. И другите од мојата генерација се пензионирани, а Лео и натаму игра како да има 20 години. Тоа доволно кажува за неговата величина – додаде Агуеро.

Според поранешниот аргентински репрезентативец, ќе поминат многу години пред светот повторно да види фудбалер со квалитетите и достигнувањата на Меси.

• Тој не е само врвен спортист туку и вистинска светска икона. Не верувам дека ние, нашите деца или внуци ќе дочекаме играч што ќе направи сè што направи Лео во својата кариера. Тоа што го постигна е нешто незаменливо – истакна Агуеро.

На крајот од разговорот, Агуеро употреби и вулгарна метафора за да ја опише доминацијата на Меси на теренот, нагласувајќи дека тој и понатаму е класа над сите други, без разлика на годините и на критиките што ги добива.

• Ако го оставиме спортот настрана, тој е рок-ѕвезда, врвен спортист, тој е сè. Тој е како порноактер, ги е** сите на теренот – заврши Агуеро.