Општина Кавадарци почнува со поставување информативни табли со QR-кодови на колективните станбени згради, како дел од процесот на дигитализација и модернизација на општинските услуги, соопштија од локалната самоуправа.
– Со едноставно скенирање на QR-кодот, граѓаните ќе можат брзо и безбедно да: проверат дали имаат неплатени обврски по основ на данок на имот и комунални такси, да ги платат своите обврски електронски, да добијат увид во наплатата на ниво на зграда, да пристапат до платформата еданоци.мк достапна 24 часа дневно – информираа од Општината.
Како што посочија оттаму, деталните информации за даночните обврски ќе бидат достапни исклучиво за сопственикот, по безбедна идентификација и верификација, со целосна заштита на личните податоци.
– Со ова современо решение, Општина Кавадарци ја унапредува транспарентноста, ја олеснува комуникацијата со граѓаните и поттикнува навремено исполнување на даночните обврски – нагласија од Општината, додавајќи дека навремено платените даноци се инвестиција во иднината и во развојот на Општина Кавадарци.
ИЗДВОЕНИ
Истите фарсери што го измамија Заев сега тврдат дека го насамариле и советникот на Мицотакис
„Дјуран Дјуран“ приреди аудиовизуелен спектакл за генерацијата што порасна со него; Концерт на еден од најпознатите светски бендови во Скопје
Утврдени траги од судијата Ристов на фолиите во кои беа завиткани 350 илјади евра
Граѓаните сами ќе избираат дали ќе одат во пензија на 62 или ќе работат до 73 години
