На гласање, што не е директен референдум за независност, канадската провинција Алберта, во која се четвртите најголеми резерви на нафта во светот, в понеделник ќе одлучува дали да остане провинција или ќе ѝ наложи на Владата да почне правен процес за одржување референдум за отцепување.
Канадскиот премиер, Марк Карни, ја повика Алберта да не почнува процес на отцепување, предупредувајќи дека САД се обидуваат да ја поделат Канада за да може „да нè поседуваат“.
– Овој референдум доаѓа во најлош можен момент. Светот стана поопасен и поподелен. Некои надвор од нашите граници работат на тоа да нè скршат за да може да нè поседуваат – изјави Карни пред голем собир за поддршка на Канада во Калгари.
Предупредувањето доаѓа во време кога американскиот претседател, Доналд Трамп, води трговска војна со Канада и постојано се заканува дека ќе ја претвори во 51. американска држава. Карни ги повика жителите на Алберта да не го користат гласањето само за да испратат порака до Отава, предупредувајќи дека еден одлучувачки резултат би можел трајно да го реши прашањето за отцепувањето.
ИЗДВОЕНИ
„Мој термин“ работи, ама нема кој да ги прегледа пациентите
Деветнаесет години без Тоше, но засекогаш со неговата музика, љубов и порака: „Ве сакам сите“
Во ритамот на светската џез сцена: Со музика во одбрана на слободата отворен 45. „Скопје џез фестивал“
ОД ОХРИД ДО ВАТИКАН, ОД СОФИЈА ДО САНКТ ПЕТЕРБУРГ – КУЛТУРНОТО БОГАТСТВО РАСПРСНАТО НИЗ СВЕТОТ: Македонски реликвии красат туѓи музеи, кај нас не е ни списокот!
