Јамал цел на расистички скандал: „Ужасно си грд, гаду, оди играј во Мароко“

По сè што се случи на натпреварот на репрезентацијата во Корнела против Египет, кога од трибините се слушнаа скандалозни скандирања „Кој не скока е муслиман“, Ламине Јамал повторно се најде во центарот на непријатен инцидент.

Младиот фудбалер на Барселона потоа гласно и јасно го осуди таквото однесување, но се чини дека тоа не беше доволно за да се спречат слични ситуации.

Имено, за време на натпреварот во саботата против Атлетико Мадрид, Јамал доживеа уште еден непријатен момент. Додека се спремаше да изведе корнер, некои навивачи на трибините решија да го навредат.

„Ужасно си грд, гаду, оди играј во Мароко“, можеше да се слушне на снимката што брзо се прошири на социјалните мрежи, заедно со низа други навреди упатени кон младиот играч, пишува шпански „АС“.

Во последните денови, има сè повеќе вакви испади на фудбалските терени, каде што поединци ја преминуваат линијата на спортско навивање и посегнуваат по говор на омраза. Во овој случај, идентитетот на луѓето што ги испратија овие погрдни зборови не е утврден.

Иако клубовите и фудбалските институции вложуваат напори да го спречат ваквото однесување на стадионите, очигледно е дека мал број навивачи продолжуваат да го нарушуваат угледот на шпанскиот фудбал.