Од утре стапува во сила нов режим за користење на зоната за краткотрајно застанување пред терминалната зграда на Меѓународниот аеродром Скопје. Од ТАВ Македонија информираат дека зоната и понатаму ќе овозможува бесплатно задржување до 10 минути за оставање или преземање патници. Сепак, се воведува важна промена – исто возило ќе може да ја користи оваа можност само еднаш во период од 24 часа.
Новите правила ќе се спроведуваат преку систем за автоматско препознавање и регистрирање на регистарските таблички. Целта е да се спречи злоупотребата на зоната, да се намали метежот пред терминалот и да се овозможи непречено одвивање на сообраќајот, особено во периодите кога има зголемен број патници.
Возачите на кои им е потребно подолго задржување или повеќекратно доаѓање на аеродромот во текот на денот, треба да го користат главниот паркинг-простор пред терминалната зграда, кој располага со 1.200 паркинг-места за автомобили и шест места за автобуси.
ИЗДВОЕНИ
ЖИВОТНИ ПАТОКАЗИ, ЗОРАН КРСТЕВСКИ: Позитивни промени
Двокатен автобус на ЈСП се запали на видиковецот на Водно
Најмногу количина дожд наврна во Крива Паланка во локално невреме што синоќа ја зафати Македонија – попладне се очекува локална нестабилност со пороен дожд, грмежи и засилен ветер
Локализиран е пожарот во Националниот парк „Пелистер“ – противпожарни единици цела ноќ дејствуваа на терен
