Најмалку две лица загинаа, а најмалку 12 се повредени во напад на индиската армија врз населбата Котли во регионот на Кашмир, како дел од нападите на индиската армија на девет локации во Пакистан, јавува Ројтерс.
Индиските вооружени сили денеска извршија напади врз девет локации во Пакистан и во спорниот регион Џаму и Кашмир под управа на Исламабад, се вели во соопштението на индиската армија.
На социјалната мрежа Х беше објавено и видео од лансирањето на ракетата.
India launched a brilliant attack on Pakistan, giving it a fitting response. However, a Pakistani PL-15 missile shot down a Rafale jet. Our pilot was martyred — no matter, we will keep fighting.
Jai Hind🇮🇳#IndiaPakistanWar#Pakistan #IndiaPakistanTensions pic.twitter.com/908N3AUkwG— 🇮🇳Colonel Hathi 🇮🇳 (@pinaka_av184) May 6, 2025
Call me crazy but it seems like the world is in MORE CHAOS today than when Biden left office.
– Israel still attacking GAZA
– America and Israel Bombing Yemen (Below)
– Pakistan and India near war
– Ukraine and Russia war has no end in sight.
– Trump Threatening to attack Iran.… pic.twitter.com/0CZf17Qf3v— Brian Krassenstein (@krassenstein) May 5, 2025
Пакистанските безбедносни власти соопштија дека најмалку едно дете загинало, а две се ранети откако Индија рано утринава истрелала проектили преку границата кон територијата контролирана од Пакистан.
Започна операцијата Синдор
Индиската армија соопшти дека нападите како дел од операцијата Синдор биле „фокусирани, умерени и неескалирачки по природа“ и не биле насочени кон пакистанската војска, јавува Гардијан.
„Индија покажа значителна воздржаност во изборот на цели и начин на извршување“, се вели во соопштението.
Се додава дека нападите биле извршени како одговор на „варварските напади во кои беа убиени десетици Индијци во Пахалгам и Кашмир“, додавајќи дека „правдата е задоволена“.
Портпарол на пакистанската војска изјави дека Исламабад „ќе одговори на овој напад во време и на место што самиот ќе го избере“, додавајќи дека сите пакистански борбени авиони моментално се во воздух.
„Ова е срамен и кукавички напад, извршен од индискиот воздушен простор“, рече портпаролот.
