Во приватно училиште во близина на Берлин денес се случи напад со нож, при што загинаа две лица. Напаѓачот е уапсен, соопшти полицијата. Нападот се случил во градот Гозен-Ној Цитау, на границата помеѓу Берлин и сојузната покраина Бранденбург.
Убиени се 18-годишна ученичка и 30-годишен маж кој се обидел да ѝ помогне. Засега нема информации дали некој друг е повреден.
Според медиумските извештаи, уапсениот напаѓач има 19 години и наводно е поранешен партнер на убиеното девојче. Неговата националност сè уште не е позната, ниту пак е познато дали посетувал училиште каде што се случил нападот, пренесе „Хина“.
Пред нешто повеќе од еден месец, 16-годишник од хрватско потекло нападна и сериозно повреди две девојчиња во неговото училиште во Баварија.
Во Германија, во 2025 година се регистрирани речиси 30.000 напади со нож, од кои речиси 1.000 завршиле со смрт.
ИЗДВОЕНИ
АХВ ги засилува теренските активности: Вонреден надзор и тестирања за детекција на вирусот на Западнонилска треска кај птиците
Уште еден смртен случај од западнонилска треска: Почина 72-годишен пациент од Скопје
Меѓу најуспешните рудари, признание и за ВЕЧЕР за унапредувањето на рударството!
Не чекала некој да ѝ каже дека може, седнала зад воланот и докажала
