Инцидент во Австрија: Автомобил влета во преполна тераса на кафуле: повредени се 11 лица

Единаесет лица се повредени во сообраќајна несреќа што се случи во саботата попладне во центарот на австрискиот град Велден ам Вертерзе, кога автомобил се заби во преполна тераса на локално кафуле, пренесе „Граундњуз“.

Според австриските медиуми, единаесет лица се повредени. Меѓу повредените наводно има три деца. Според медиумските извештаи, две жртви претрпеле сериозни повреди, иако ниту едно не се чини дека е во животно-загрозувачка состојба, известува Сања Човиќ за списанието Феникс.

Инцидентот се случил околу 12:40 часот.

Повозрасна жена го возела автомобилот што ја предизвика несреќата. Според полицијата, снимките од безбедносните камери сугерираат дека возачот направил грешка при паркирањето. „Сепак, точните околности на несреќата сè уште не се јасни, бидејќи жената била во шок по несреќата“, се додава во полицискиот извештај.