Хорор во Париз: Маж со автоматска пушка пукаше од возило на улица – има жртви/видео

Едно лице е убиено, а неколку други се ранети во пукање што се случи утрово во департманот Ивлин, во западниот дел на парискиот регион, откако маж отворил оган од возило на улица, јавуваат француските медиуми.

Според извори запознаени со случајот, осомничениот отворил оган од возило околу 10:30 часот на улиците во градовите Трап и Ла Вериер, пренесува BFM.

Мажот отворил оган на улица во Трап, Ивлин, користејќи автоматска пушка, при што убил едно лице, а ранил неколку други, пишува „Ле Паризиен“, потврдувајќи ги информациите на порталот „Actu17“.

Осомничениот е уапсен од страна на Бригадата за борба против криминалот (BAC), пренесува парискиот весник, додека телевизијата BFM наведува дека тој бил фатен во градот Кониер. Префектурата на Ивлин соопштува дека итните служби во моментов се на терен.

„Утрово, едно лице отвори оган од своето возило врз неколку луѓе на кои наиде во Трап и Ла Вериер. Со жалење ве известуваме дека, во овој момент, едно лице е починато“, напиша градоначалникот на градот, Али Рабе, на „Фејсбук“.

🚨 BREAKING: 1 DEAD, AT LEAST 4 WOUNDED IN SHOOTING NEAR PARIS

A gunman opened fire from a vehicle in Yvelines, west of the French capital. A suspect is in custody.

Police say the motive remains unclear. The investigation is ongoing. https://t.co/ita9CKCP09

— The Raw Wire 🚨 (@TheRawWire) October 23, 2026

Според претходните извештаи, најмалку две лица се сериозно повредени, а вкупниот број на ранети би можел да биде и поголем,пренесе „Танјуг“.

🇫🇷 One dead, 4 wounded in shootings near Paris

A gunman opened fire on passersby in Trappes and La Verrière, Yvelines, killing one person and wounding four others. He fired multiple shots at different locations before being arrested by police. https://t.co/qzjGacNsZB

— Political Pen (@politicalpen_) October 23, 2026