Телото на 12-годишно момче беше пронајдено вчера на брегот на реката Вилен во Рен, Франција, а обвинителите отворија истрага под сомнение за убиство. Влажен пешкир наводно бил цврсто врзан околу вратот на детето, објави BFMTV.
Брза помош повикал рибар кој, според полициски извори, ги слушнал вознемирувачките крици на детето. И покрај интервенцијата на сведоците кои го пронашле телото и пристигнувањето на службите за итни случаи, момчето не можело да се спаси. Лекарите на местото на настанот можеле само да ја потврдат неговата смрт.
Полицијата го примила повикот во 16:40 часот и пристигнала на местото на настанот во 16:50 часот. Пожарникарите веќе биле таму, извршувајќи кардиопулмонална реанимација.
Истрагата е доверена на одделот за организиран криминал
Околностите што доведоа до смртта на момчето сè уште не се утврдени. Обвинителот го потврди отворањето на истрага.
Голем број на полициски сили беа на местото на настанот во недела навечер, спроведувајќи истрага во близина на станбен комплекс покрај реката. Беше подигнат голем бел шатор, а форензичари во бели заштитни одела и сини ракавици го прегледуваа и фотографираа местото каде што беше пронајдено телото.
ИЗДВОЕНИ
Има ли придвижување или останува статус кво на патот кон ЕУ ?
Поглед во таванот, смеење и негирање на вина – серискиот убиец ќе одговара за 4 убиства и 2 обида
Увозот на работници од Непал и од Бангладеш заглавен во бирократија и корупција
Недомаќинско трошење, договори на три дена и ангажирање еден адвокат за 77 отсто од услугите
