Граѓаните одлучуваат за еколошките приоритети на Центар

Општина Центар ги повикува граѓаните да се вклучат во изработката на новиот Локален Еколошки Акционен План.

Во новиот стратешки плански документ од областа на животната средина, ЛЕАП за периодот 2026 – 2032 година ќе се идентификуваат сегашните притисоци врз животната средина и ќе се понудат решенија за нивно надминување.

-Кажете ги Вашите размислувања, во однос на тоа како Вие ги чувствувате еколошките проблеми и секојдневните предизвици, поврзани со нив, како и вашите предлози за подобрување на квалитетот на живеење во Општината. Вашето мислење е од особена важност за дефинирање на идните акции за подобрување на постојните состојби во животната средина – повикуваат од локалната самоуправа, нагласувајќи ја потребата граѓаните активно да се вклучат во креирање на идните политики на Општината од аспект на заштита на животната средина и да учествуваат во креирање на одржлива заедница преку пополнување на анкетен прашалник.

Од Општината уверуваат дека анкетата е целосно анонимна.