Иванка Трамп е во Венеција со својот сопруг Џаред Кушнер и нивните три деца, Арабела, Џозеф и Теодор, за свадбата на Лорен Санчез и Џеф Безос, кои синоќа организираа забава за добредојде за своите гости, меѓу кои имаше и бројни познати личности. Се дознава дека двојката Безос – Санчез е веќе во брак, што беше примено како голем шок. Но, ќерката на претседателот имаше и шокантно изненадување.
Откако локацијата на централниот настан беше променета поради протести од локалните жители и глобалната политичка ситуација, имено конфликтот меѓу Израел и Иран и вмешаноста на САД во тој конфликт, Иванка Трамп направи исклучително чуден потег.
„Подготвени сме да ја прославиме љубовната приказна на нашите пријатели Лорен Санчез и Џеф Безос“, напиша Иванка Трамп на Инстаграм, а серијата слики што ги објави вклучува и фотографија со бројот на хотелската соба.
View this post on Instagram
„Дали ја лажиравте локацијата?“ ѝ пишуваат следбеници, зачудени што го открила тој детал. Сите беа шокирани од фотографијата и тешко им е да поверуваат дека Иванка Трамп можела да направи таква грешка.
Ќерката на американскиот претседател Доналд Трамп и нејзиното семејство се под надзор на Тајната служба на секој чекор, а безбедноста на Иванка Трамп е највисока во споредба со безбедносните мерки што им се достапни на другите високи гости на венчавката.
Иванка Трамп е навикната на таква ситуација и е свесна за својата позиција и ризиците на кои е изложена, што ја прави нејзината објава уште пошокантна.
Ќерката на Трамп пред неколку дена отпатува во Венеција, го разгледа градот со своето семејство и уживаше во возење со гондола. Синоќа таа блесна на свечениот прием со други познати гости.
И протестите поради прославата на Лорен Санчез и Џеф Безос не стивнуваат. Во понеделник, членовите на Гринпис развија огромен транспарент на плоштадот Свети Марко, иконското срце на Венеција, со слика од Безос и натпис: „Ако можете да ја изнајмите Венеција за вашата свадба, тогаш можете да платите повеќе данок“.
Активистите од британската група „Сите јго мразат Илон“ протестираат за да го привлечат вниманието кон еколошката и социјалната неправда што ја придружува таквата свадба.
„Безос отелотворува економски и социјален модел што нè води кон колапс“, рече претставник на организацијата.
Венчавката се следи, големо внимание се посветува на денешниот настан откако се дозна дека двојката веќе се венчала, а остро се критикува и опсадата на Венеција од страна на Лорен Санчез и Џеф Безос. На многумина им пречи што „се однесуваат како градот да е место за изнајмување и како сè да треба да им биде подредено на свадбата“. Тажната вистина што тоа им оди од рака – токму поради парите.
