По иницијатива на градоначалникот на Општина Карпош, Сотир Лукровски, како и на поранешните ученици од ОУ „Иван Горан Ковачиќ, утре, токму на патрониот празник на ООУ „Петар Поп Арсов“, се организира голем хуманитарен настан.
Станува збор за одбојкарски спектакл – ревијален натпревар „Искуство версус Младост“ помеѓу професорките и ученичките, навивачите, врвните македонски музичари и поддржувачите, кои се здружуваат за хуманитарна кауза. Главната цел на овој празничен настан е да се соберат финансиски средства за комплетно обновување на надворешното игралиште за одбојка во дворот на училиштето славеник. Ревијалниот одбојкарски натпревар е со почеток во 17:00 часот, а ќе се одигра во спортската сала на ООУ „Петар Поп Арсов“.
Веднаш по спортскиот дел, ќе се одржи големата хуманитарна забава во холот на училиштето, со почеток во 19:00 часот. За одличната атмосфера и за незаборавната прослава на патронатот ќе се погрижи врвен состав од докажани македонски уметници, сите ученици од ОУ „Иван Горан Ковачиќ“: Мартина Христовска, Игор Атанасоски (Гуру Харе), Петар Ренџов (Пепи), Павел Ренџов (Павка), Сенад Усеин (Сенко), Трајко Симоновски (Таци) –Арсо Јаневски (Раста).
ИЗДВОЕНИ
Обвинителство: Не губиме контрола врз предметот Лотарија, се истражува зошто првиот сведок ја „сврте“ изјавата
За автопатите, годинава се обезбедени 243 милиони евра, дел се заем од домашните банки
Од Владата уверуваат дека платите растат двојно побрзо од инфлацијата
Бизнисот ќе ги дигне на нозе јавните претпријатија што работат со загуби
