Трансферот на Нејмар од Барселона во ПСЖ, вреден 222 милиони евра во 2017 година, е сè уште најголемиот во фудбалската историја, но се чини дека нема да биде уште долго.
Имало и други големи трансфери, но ниту еден не успеал да ја надмине сумата од 222 милиони евра. Сепак, се предвидува дека многу наскоро ќе добиеме нов рекордер и прв играч што чинел најмалку 300 милиони евра!
И тој ќе биде Французин, кој игра во животна форма и е кандидат за „Златната топка“. Мајкл Олисе игра во фантастична форма, а неговите игри во дресот на Баерн (М) и француската репрезентација сè повеќе го привлекуваат вниманието на фудбалската јавност.
Германски „Билд“ исто така постави прашање кое звучи речиси нереално – дали напаѓачот на Баерн би можел да стане првиот фудбалер во историјата чиј трансфер би изнесувал дури 300 милиони евра?
Олисе прерасна во еден од најдобрите играчи во лигата, а неговите настапи дополнително го зголемија интересот на најголемите европски клубови.
Според претходните извештаи од францускиот „Л’Екип“, Реал (М) покажа интерес за него, и можеби ќе треба да плати помеѓу 200 и 250 милиони евра за неговото доаѓање.
Баерн (М), од друга страна, нема причина да размислува за продажба на еден од своите најдобри фудбалери. Олисе има договор со баварскиот гигант до летото 2029 година, а раководството на клубот сака да разговара за продолжување на соработката.
Неговата пазарна вредност, според податоците на „Трансфермаркт“ претходно објавени од „Билд“, е 170 милиони евра. Ова е показател за тоа колку се зголемила неговата цена откако пристигна во Минхен од Кристал Палас во 2024 година за околу 53 милиони евра.
Токму тоа е прашањето што го поставува Билд. Сумата од 300 милиони евра би претставувала нова димензија на фудбалскиот пазар, каде што ПСЖ плати 222 милиони евра за Нејмар во 2017 година, поставувајќи рекорд кој сè уште не е надминат.
Сепак, бројката од 300 милиони евра во моментов е само можност што се дискутира, а не потврдена цена за неговиот трансфер.
