Фејсбук ја нарушил приватноста на корисниците: Закерберг се спогоди „тивко“

Марк Закерберг се согласи да реши тужба од повеќе милијарди долари со група акционери околу начинот на кој раководството на „Мета“ се справуваше со повторените нарушувања на приватноста на Фејсбук, објави Би-Би-Си. Акционерите побараа повеќе од 7,36 милијарди евра отштета, но не е познато колкав износ е договорен во спогодбата.

Судењето требаше да влезе во својот втор ден во суд во Делавер, но адвокатот на акционерите објави спогодба во четврток, непосредно пред судењето. Мета не коментираше за ова.

Акционерите тврдат дека постапките на Закерберг доведоа до скандалот со Кембриџ Аналитика. Тужбата против акционерите беше поднесена во 2018 година откако беше откриено дека „Кембриџ Аналитика“, која работеше за кампањата на Доналд Трамп во 2016 година, пристапила до податоците на милиони корисници на Фејсбук.

Патем, Мета, порано позната како Фејсбук, е матична компанија на таа социјална мрежа. Меѓу обвинетите беше и поранешниот директор на „Мета“, Џефри Зиентс, кој беше и шеф на Канцеларијата на поранешниот американски претседател Џо Бајден.  Другите обвинети се коосновачот на „Палантир технолоџис“, Питер Тил, и коосновачот на „Нетфликс“, Рид Хејстингс. Спогодбата за признавање на вина им овозможува на обвинетите да избегнат сведочење под заклетва. Поранешната оперативна директорка Шерил Сандберг исто така требаше да сведочи.

„Едно од нештата што можевме да ги добиеме од целосно судење би бил целосен преглед на тоа како Фејсбук усвоил и одобрил какви било нелегални практики. Важно е општеството да знае како се случило тоа и што тргнало наопаку ако тие навистина го кршеле законот. Таквото откривање служи за важна општествена цел, но нема да дознаеме сега“, рече Ен Липтон, професор по право на Универзитетот во Колорадо.