Европската комисија во четврток го поздрави напредокот на Бугарија во воспоставувањето независна канцеларија за борба против корупцијата, додавајќи дека Бугарија треба да ги добие преостанатите 3 милијарди евра финансирање поврзани со серија договорени реформи.
„Сите знаеме дека има рок до август, па затоа целта е да се ослободат ресурсите до тогаш и за да го направиме тоа, треба да го одржиме моментумот на реформите“, изјави претседателката на Европската комисија, Урсула фон дер Лајен, по разговорите со бугарскиот премиер Румен Радев, објави „Ројтерс“.
Според програмата за закрепнување на ЕУ по пандемијата ковид-19, Бугарија требаше да добие 6,2 милијарди евра грантови поврзани со реформите што земјата ги договори со ЕУ, вклучително и основањето канцеларија за борба против корупцијата, пренесува „Танјуг“.
Софија веќе доби околу 3,3 милијарди евра, меѓутоа, напредокот во исполнувањето на пресвртниците и целите за финансирање од ЕУ е попречен од пет парламентарни избори во последните три години.
ИЗДВОЕНИ
Одекнаа зурлите, се облекоа носиите, се разбуди срцето на традицијата – во Галичник, на Петровден, љубовта се мери со векови/ ФОТО
Затворениците без работа, пазарот без работници – неискористениот потенцијал зад решетки
Аларм од камионџиите: Сè потешко се опстанува на европските патишта
Во Дојран може да се летува за помалку од 200 евра, но и покрај ниските цени, нема туристи
