Екстремните температури во Европа подранија: Жолт метеоаларм е на сила во Париз – Велика Британија, на работ на соборување на три рекорди

Жолто временско предупредување е прогласено во 18 департмани во Франција поради топлотен бран, а истото предупредување се воведува во Париз и неговите предградија од денес, додека Британската метеоролошка служба предупредува дека топлотниот бран таму би можел да собори дури три рекорди денес.

„Метео Франција“ соопшти дека оваа година се случило рано пристигнување на екстремно топло време, со утрински температури помеѓу 14 и 20 степени Целзиусови (57 и 68 степени Фаренхајт) и попладневни температури од 32 до 35 степени Целзиусови (90 до 95 степени Фаренхајт), објави „Ле Фигаро“.

„Максималните температури остануваат многу високи за ова време од годината, а топлотниот бран се шири подалеку на север, со температури над 30 степени Целзиусови (86 степени Фаренхајт) во речиси сите делови на Франција, освен по должината на Ламанш и на медитеранските плажи“, според веб-страницата на „Метео Франс“.

Во меѓувреме, британските медиуми објавија предупредување од нивната метеоролошка служба, во кое се наведува дека топлотниот бран би можел да сруши три рекорди денес.

„Подгответе се за денешната жештина. Откако температурите вчера достигнаа 32,3 степени Целзиусови, денес би можеле да ја доживееме највисоката температура досега на Националниот ден на пролетта. Следете ги најновите информации“, се наведува на веб-страницата на британската метеоролошка служба, пренесува „Танјуг“.