Европската комисија исплати транша од 6 милијарди евра од заемот на Европската Унија од 90 милијарди евра за Украина, пишува денес „Украинска правда“, додавајќи дека тоа е дел од парите за одбранбената индустрија и купувањето дронови произведени во таа земја.
Украина ја доби првата транша за поддршка на својата армија, а 3,9 милијарди евра ќе бидат платени за дронови, бидејќи според мислењето на Европската комисија, ова е клучна компонента што ѝ овозможува на Украина да се бори против Русија.
„Украинска правда“ изјави дека исплатата на парите е одложена бидејќи Европската комисија ги проверува договорите за набавка на дронови за да се осигури дека финансиската поддршка има одобрение од Комисијата и земјите-членки.
Дополнителни исплати ќе следат во наредните денови, изјави претседателката на Европската комисија, Урсула фон дер Лајен, нагласувајќи дека ова се инвестиции за да ѝ помогнат на Украина да ги заштити своите граѓани, да го брани својот суверенитет и да ја зајакне европската безбедност.
Фон дер Лајен нагласи дека Европа цврсто стои со Украина, без разлика колку е потребно за воспоставување праведен и траен мир.
„Украинска правда“ наведува дека заемот од 90 милијарди евра за Украина вклучува 30 милијарди евра за буџетска поддршка и 60 милијарди евра за одбрана во 2026 и 2027 година.
Во 2026 година, 28,3 милијарди евра од одбранбениот дел од заемот ќе бидат искористени за индустриски одбранбени капацитети, додека идните транши ќе бидат искористени за купување беспилотни летала, муниција, ракети и системи за воздушна одбрана.
Оваа година, првата транша од 3,2 милијарди евра од делот за буџетска поддршка беше исплатени на Украина на 25 јуни.
ИЗДВОЕНИ
Компромисот за деблокадата на Изборниот законик во рацете на координаторите
Асистентка уапсена по пријава на студент од Турција: фатена со обележани сто евра
Пченицата се откупува по цена на едно јајце, земјоделците се откажуваат од лебното жито
Млекото падна на 21 денар за литар, субвенциите доцнат една година, а добитокот нема што да јаде
