Војната во Украина продолжува со несмален жар, но во седиштето на НАТО во Брисел во текот на летните месеци има „пригушена минимална работа“, се жали експертката Стефани Бабст во статија објавена од германскиот Билд.
– За време на војната, не можеме да си дозволиме летен одмор. По самитот со Трамп, нема причина да бидеме самозадоволни – нагласи таа.
Бабст работи на раководни позиции во Брисел 22 години, а за германските медиуми вели дека клучните стратешки прашања сè уште не се решени, додека ходниците и канцелариите во седиштето на западната алијанса се речиси празни.
– Имаме војна во Европа. Практично не треба да има летен одмор за германската влада и НАТО. Немаме време за тоа. Воинствената политика на Путин исто така не прави паузи – рече таа.
Според правилото, ако избувне голема криза, вработените мора да се вратат на работа во рок од 24 часа, но прашањето е дали тоа навистина би било изводливо.
За германските медиуми, седиштето на НАТО одби да даде информации за тоа колку луѓе се моментално на одмор.
– Во седиштето на НАТО речиси и да нема сериозна дебата. За големи стратешки прашања повеќе не се дискутира ниту се одлучува. Ниту за Кина, ниту за Иран, ниту за односите со Русија – вели Бабст.
Таа додава дека останува прашањето дали Русија треба да коегзистира или Путин мора да биде ставен под контрола со сите средства.
– Која е нашата стратешка крајна цел? Каде треба да води патот? Немам впечаток дека Трамп ја гледа Путиновата Русија како егзистенцијална закана – рече Бабст.
– Кај канцеларот Мерц постои принцип на надеж во Трамп. Тој се однесува како НАТО да е сè уште политички обединет. Тоа веќе не е случај со Трамп. Тоа разубавување нема да помогне. НАТО мора да биде позициониран така што Европејците можат ефикасно да го одвратат Путин без помош на САД – нагласи таа.
Таа додава дека наместо тоа го гледаме германскиот канцелар Фридрих Мерц како се воздржува од каква било критика кон Трамп, иако тој „секојдневно ги гази демократските принципи и бара само брзи и профитабилни зделки“.
– Трамп го напушти основниот консензус на НАТО: дека Русија се смета за егзистенцијален непријател и дека Украина треба да биде поддржана во нејзината борба за опстанок. Сепак, германската влада се однесува како да може да се смета на Трамп. Тоа е опасно – предупредува Стефани Бабст.
ИЗДВОЕНИ
Скопје и Софија како во басна – „лавот и глушецот“ во дипломатска арена
Данела Арсовска и вработени во Град Скопје нападнати во Чаир – завршија на ургентен
Младите бегаат од градежништво и индустрија и бараат столче во администрација
Во име на починатите пациенти ќе сведочат најблиските, преку 29 досиеја јавноста ќе дознава за несовесното лекување
