До 30 години заштедил 340.000 евра: Објасни и како успеал да собере толку многу пари

Еден човек ја споделил својата необична животна приказна за екстремните заштеди што му овозможиле да собере повеќе од 340.000 евра до 30-годишна возраст, но исто така го довело до одлуки за кои денес жали.

Ајрик, кој има 31 година, пораснал во Канада, во имигрантско семејство каде што парите не биле секогаш доволни. Затоа научил од мал внимателно да управува со парите и да размислува за финансиската сигурност.

Почнал да штеди веќе на 21-годишна возраст, штом ја добил својата прва работа. Дел од парите ги инвестирал на берзата, додека остатокот го штедел агресивно. Како што вели, честопати издвојувал до 50 проценти од својата плата за да ја постигне својата прва голема цел што е можно поскоро – заштеда на 100.000 долари. Веќе на 25-годишна возраст, тој успеал да собере повеќе од 115.000 долари, а на 30-годишна возраст, вкупно речиси 400.000 долари.

Екстремното штедење имало и лоши последици

Сепак, неговата штедливост понекогаш ја надминувала границата на разумот. Тој вели дека ја користел истата перница 12 години и верува дека подоцна му предизвикувала главоболки бидејќи повеќе не му обезбедувала добра потпора на вратот.

Исто така, долго време одбивал да купи електрична четка за заби, па затоа мисли дека затоа има повеќе пломби. Носел и стари чорапи со дупки, што му предизвикувало плускавци.

Освен здравствените последици, тој вели дека неговото најголемо жалење е што ги посетувал родителите поретко за да заштеди пари на патување. Денес, тој живее во Велика Британија и заработува околу 124.000 евра годишно, од кои успева да заштеди околу 46.000.

Планира да се пензионира рано, но го променил својот начин на размислување. Сега тој се обидува да најде рамнотежа помеѓу штедењето за иднината и уживањето во животот денес.