Дијаспората од Чикаго, Њујорк, Франкфурт… со часови чекаат да гласаат: Од Лос Анџелес со порака до Вучиќ од пред гласачкото место/ВИДЕО

Во Србија денеска се одржуваат вонредни парламентарни избори на кои учествуваат 18 изборни листи, но главната битка се очекува да се води меѓу владејачката Српска напредна партија (СНС) и Студентската листа. Право на глас имаат и српските државјани во дијаспората кои навреме се пријавиле за гласање во земјите во кои живеат.

Čikago ❤️ pic.twitter.com/7FUNixahcV

— Beli Lotos (@lotos_beli) October 25, 2026

Републичката изборна комисија отвори гласачки места во повеќе европски држави, но и во САД, Австралија и Азија. Гласањето во странство почнува во 7 часот наутро по српско време, што во зависност од временската зона значи дека некои избирачи ќе гласаат рано наутро, а други доцна навечер.

Таков е случајот во Лос Анџелес, каде што гласачките места се отвораат во 23 часот по локално време. Но, доцниот термин очигледно не ги спречува српските државјани да се соберат во голем број.

Jedvačekanje u LA. pic.twitter.com/NgHpP8LDEr

— Mad Hatter 🇷🇸🇨🇦🇺🇸 (@mirkoandjic) October 25, 2026

Пред гласачкото место е поставена импровизирана бина, каде што претежно млади луѓе се забавуваат со музика додека чекаат да го остварат своето гласачко право.

Santa Monica, CA #izbori2026 #dijaspora pic.twitter.com/NlsBX9fZWS

— Miloš Mirković (@MilosMirkovicX) October 25, 2026

Меѓу песните што се слушале и се пееле се и „Три пољупца хоћу ја“ и „Лијте кише“. Особено внимание привлекува преработениот рефрен на втората песна, во кој дел од стиховите се заменети со скандирањето „Вучиќ оде, Вучиќ оде“, испраќајќи јасна политичка порака во пресрет на гласањето.

Naši iz Ljubljane šalju pozdrave 3️⃣🇷🇸 pic.twitter.com/UxCRKXLSns

— Miroslav Aleksic (@MiikiAleksic) October 25, 2026