Бугарскиот премиер Румен Радев објави дека неговата земја нема место во Коалицијата на волните за Украина, бидејќи не сака да биде дел од коалиција на земји кои се залагаат за континуирана финансиска и воена помош за Украина.
„Не сакаме да учествуваме во коалиција која инсистира на континуирана финансиска и воена помош за Украина. Решението на конфликтот не е негово продолжување со воени средства, туку силен дипломатски напор што конечно ќе стави крај на ескалацијата“, рече Радев, според агенциите.
Бугарија претходно присуствуваше на состаноците на Коалицијата на волните, но нејзините претставници не присуствуваа на вчерашниот состанок на оваа група земји во Париз.
Радев, кој претходно постојано го критикуваше испраќањето воена помош за Украина, ги отфрли обвинувањата дека зазема проруски став во војната на Украина против руската агресија и нагласи дека се залага за „прагматични“ односи со Москва.
На вчерашниот состанок на Коалицијата на волните во Париз учествуваа околу 25 шефови на држави или влади од повеќе од 30 земји.
Радев изјави за бугарската телевизија bTV дека лично добил покана од францускиот претседател Емануел Макрон официјално да се приклучи на коалицијата, пренесува „Бета“.
ИЗДВОЕНИ
Условна казна од една година за експретседателката на Антикорупциска
Внимание и со саламите од шопинг во Србија може да се пренесе свинска чума
„Талир 2“ падна, Груевски ослободен, седиштето на ВМРО-ДПМНЕ одмрзнато
Почеток на нова фаза од мандатот: Собранието ја изгласа реконструкцијата на Владата – 8 нови министри кои треба да донесат нова енергија и уште поголема одговорност
