Полицијата во Монако го идентификуваше осомничениот за експлозијата во која украинскиот олигарх Вадим Јермолаев и уште две лица беа тешко ранети, соопшти обвинителството.
Монако издаде потерница , а ќе биде издадена и црвена потерница од Интерпол. Јавниот обвинител Стефан Тибо ја пофали брзата и ефикасна меѓународна соработка на полицијата и судството, благодарение на што осомничениот беше идентификуван за рекордно кратко време. Според француските медиуми „Ле Фигаро“ и „БФМТВ“, напаѓачот наводно е жена која се обидела да се претстави како маж. Надзорните камери го покажуваат лицето и црна капа на главата.
Нападот се случи во понеделник вечерта во ходник на зграда во Монако. Непознато лице оставило пакет во ходник, а експлозијата се случила момент подоцна додека олигархот влегувал во зградата заедно со уште две лица кои исто така биле повредени. Властите во Монако не го потврдија идентитетот на жртвите, но според изворите, цел на нападот бил Вадим Јермолаев, богат бизнисмен по потекло од Украина, кој сега е кипарски државјанин, како и неговaта партнерка и синот, пишува „Гардијан“.
ИЗДВОЕНИ
Утврдени траги од судијата Ристов на фолиите во кои беа завиткани 350 илјади евра
Граѓаните сами ќе избираат дали ќе одат во пензија на 62 или ќе работат до 73 години
До 20.000 евра за сопствен бизнис, но дали тоа ќе ги задржи младите дома?
14 годишно момче избодено со нож во населбата Ченто, семејството бара пронаоѓање на напаѓачите
